Matapos ang ulan, ang walang hupang ulan

Tinunaw na ng init ng araw ang mga walang awang ulap! YEY!!!! Sana humupa na rin ang mga baha, at ayusin na natin ang mga aayusin.

Salamat naman 

Tinapos mo na

Ang pagluhang

Parang batang

Walang pakialam

Ilang buhay ba

ang kinuha mo?

bago magsawa

sa paghagulgol

Gumulo ang kalupaan

Gumuho mga lupa

Gumuhong mga pangarap

Gumawa ka ng kasalanan

Na di mo kailanman

Pagsisihan

Pagbabayaran

Sa bagay

Nasa itaas ka 

kami naman

iyong mga alipin

sa alinmang kapritso

isip-batang

makapangyarihan

nasa itaas ka lang

langit.

Salamat naman salamat naman. Hay. Huwag na sana siyang magmaktol ang sumpunging langit! Ngayon, hindi pa rin ako makasulat ng matinong repleksyon para sa isang paper. ><